Skenari i destabilizimit, gruaja e Ismaliajt në Polici për të dëshmuar
Ka mbërritur në Policinë e Tiranës bashkëshortja e Kastriot Ismailajt, për të dëshmuar në lidhje me letrën e Spartak Brahos. Ky i fundit ka kërkuar në letër të merret në mbrojtje familja e Ismailajt, pasi sipas tij, po ushtrohet presion mbi ta që ky i fundit të dëshmojne kundër Metës në gyqin për skandalin e CEZ-it. Vojsava Ismaliaj shoqërohej nga avokati Vladimir Meçi rreth orës 16:20. Dëshmia e saj vjen pas urdhrit të Prokurorisë për të pyetur edhe Brahon, Doshin dhe Priftin.
Letra e Brahos, Prokuroria: Të pyeten të gjithë që janë përmendur
Organi i akuzës ka urdhëruar të merren në pyetje deputeti Tom Dushi, Dritan Prifti si dhe kryetari i Komisionit të Sigurisë Kombëtare Spartak Braho, pas letërs së këtij të fundit drejtuar krerëve më të lartë të shtetit për një komplot rreth Ilir Metës. Pasi ka administruar letrën e Brahos, prokuroria ka urdhëruar policinë të merret me verifikimin e asaj që shkruhet aty.
Nëpërmjet një letre të gjatë dërguar krerëve më të lartë të shtetit, presidentit te Republikës, Bujar Nishani, kreut të Parlamentit Ilir Meta, kryeministrit Edi Rama, drejtorit të përgjithshëm të policisë Haki Çako përfshi shefin e inteligjencës shqiptare Visho Ajazin, kreu komisionit parlamentar të sigurisë Spartak Braho paralajmëron për një destabilitet politik ne vend.
Deputeti i LSI-së në letër akuzon se pjesë e këtij skenari destabilizues janë ish ministri i Energjitikes, Dritan Prifti dhe ish deputeti socialist Tom Doshi.
Sipas Brahos, disponohen prova se ata kanë ushtruar presion mbi bashkëshorten e Katriot Ismailajt në mënyrë që ky i fundit të dëshmojë në procesin gjyqësor kundra Ilir Metës. Takimi sipas tij është kryer në një nga baret e një hoteli luksoz në Tiranë dhe bashkëshortja e Ismailaj u kërcënua nga deputeti Doshi. Braho pretendon se dyshja Prifti-Doshi e kanë realizuar këtë presion duke përdorur emrat e liderit të opozitës Basha dhe të ambasadorit Amerikan Donald Lu dhe kryeministrit Rama.
