Kontributet për sigurimet shoqërore të profesionistëve të lirë do të përcaktohen rast pas rasti nga Këshilli i Ministrave, por do të jenë jo më të ulëta se 5,390 lekë në muaj, dhe jo më të larta se 23,772 lekë në muaj.
Qeveria është tërhequr nga varianti fillestar që katërfishon kontributet e sigurimeve shoqërore për profesionistët e lirë. Sipas Ministrisë së Financave, vlera e kontributeve për këtë kategori, do të miratohet rast pas rasti me vendim të Këshillit të Ministrave duke u bazuar në këto kritere: E para llojin e profesionit, e dyta zonën ku ushtrohet profesioni, e treta eksperiencën në punë, e katërta madhësinë e të vetëpunësuarit, apo kompanisë.