Pas kaosit të shkaktuar pardje tek selia e PD, edhe dita e sotme u shoqërua me tensione pasi Albana Vokshi u shfaq sërish në seli, nën praninë e Evi Kokalarit.
Ndërsa ajo hyri në seli, u dëgjuan disa të shara drejt tyre, me siguri nga ndonjë mbështetëse e Bashës.
“Prostituta, legene femra,” dëgjohej një zë gruaje të thoshte me ze te larte.
“Sa rrugë ke bo? Kush të ka paguar ty? Sa rrugë ke bërë Amerikë-Shqipëri, për çfarë arsye mashtron, pse mashtron, mashtruese?”, iu drejtua një nga militantet Evi Kokalarit.
“Kjo është fytyra e Lulzim Bashës”- u përgjigj Kokalari.
“Mos më prek me dorë”, dëgjohet të thotë Kokalari.
“Ju e shikoni çfarë po përdor Lulzim Basha. Ta dini që vullnetin e demokratëve askush nuk e ndal dot. Kemi bërë vetëm mbledhjen e parë, do vijojmë për organizimin më të mirë”, deklaroi Vokshi
Nga ana tjetër, Albana Vokshi akuzoi Lulzim Bashën dhe mbështetësit e tij si shoqata e bravave.
“Shoqata e bravave, vetëm ato i kanë ngelur Lulzim Bashës, le t’i mbajë karriget e bravat, vullneti i sovranit do vihet në vend. Në bazë të votave ai është shkarkuar,” tha Vokshi. /m.j
