Nënkomisioni për Çështjet e të Miturve, Barazisë Gjinore dhe Dhunës në Familje mbajti sot një seancë të posaçme për skandalin në jetimoren e Shkodrës. Në seancë u thirrën ministri i Mirëqenies Sociale Blendi Klosi dhe kryebashkiakja e Shkodrës Voltana Ademi.
Ademi deklaroi se qendrat rezidenciale të quajtura Shtëpi të Fëmijës janë model i vjetëruar që nuk duhet të funksionojnë më në Shqipëri, ndaj propozoi që tani e në vijim të funksionojnë Shtëpitë Familje, të cilat i konsideroi si model i shkëlqyer. Voltana Ademi, kërkoi që për rastin konkret të analizohen shkaqet.
“Bie dakort që të merremi më pasojat, por më parë të shkojmë tek shkaku. Qendrat e fundit rezidenciale në Europë si këto që kemi ne sot që i quajmë Shtëpi të Fëmijës, janë mbyllur në vitin 2001, e theksoj në vitin 2001.
Kemi pasur disa diskutime për disa qasje që Bashkia Shkodër ka pasur me ministrinë për të parë ndryshe shërbimin social, territorial, lokal dhe bashkiak. Me një nismë të madhe për të ndryshuar situatën, në deinstitucionalizimin. Ne kemi pasur disa takime dhe kemi vijuar në vijimësi me organizatat e huaja, por kanë qenë shumë teknike këto takime jo vetëm politike. Politike në kuptimin e qasjes që vlejnë për të përmirësuar sistemin.
Dua të dal në një diskutim që shkon përtej pasojës, shkon tek shkaku. Kemi biseduar me ministrinë dhe shoqata për të ndryshuar situatën e emergjencës, për shkak të një presioni publik, situata sot është shumë e rëndë. Ne kemi nevojë për t’u marrë me emergjencat, por duhet të biem dakort se situata është e rëndë
Bashkitë nuk kanë asnjë mundësi për zhvillimin e qendrave rezidenciale. Qendrat rezidenciale janë modeli më i shëmtuar që mund të vijojë ende të mbeten në Shqipëri. Stafi aktual është rekrutuar gjatë viteve dhe ato janë menaxhuar bërë në nivel kombëtar dhe herë në nivel lokal.
E theksoj se Shtëpitë Familje janë model i shkëlqyer.
Në rastin e emergjencës në fjalë ne kemi propozuar të mbyllim qendrën, në Shkodër funksionojnë 12 Shtëpi Familje dhe janë model i shkëlqyer.
Po flas për qendrën rezidenciale ku ngjarja e rëndë nuk ka ndodhur vetëm aty por në shumë të tilla në vend. Cështja e përgjegjësisë? Po është e Bashkisë dhe ne kërkojmë që të ndryshojë shërbimi menjëherë për këto Shtëpi të Fëmijës. Këta fëmijë në këto qendra rezidenciale duhet të kalojnë në Shtëpi të Familjes”., tha Ademi.