Komisioni Evropian do të kërkojë një takim të jashtëzakonshëm të ministrave në lidhje me vezët e kontaminuara me insekticide. Kjo është një përpjekje që t’i jepet fund akuzave dhe shpifjeve për shkak të këtij skandali, deklaroi sot eurokomisari, i ngarkuar për Shëndetësinë, Vitenis Andriukajitis.
Ai theksoi se dëshiron që Holanda, Belgjika dhe Gjermania të ndalojnë me këmbimin e akuzave të ndërsjella për atë se kush është përgjegjës për shkaktimin e panikut për shkak të fipronilit të zbuluar në vezë, kimikate, të cilat mund të jenë të dëmshme për njerëzit.
“Akuzat dhe thirrjet nuk do të shpien askund dhe dëshiroj që kjo të ndërpritet”, tha eurokomisari lituanez.
“Propozova mbajtje të takimit në nivel të lartë të ministrave kompetentë dhe të përfaqësuesve të Agjencive për Sigurinë e Ushqimit të të gjithë shteteve-anëtare të përfshirë në këtë problem, pasi në dispozicion do të jenë të gjitha faktet”, tha Andiukajitis.
Vezët e kontaminuara janë gjetur në të paktën 11 vende anëtare të BE-së, ndërsa një milionë vezë dhe prodhime me bazë veze janë tërhequr në supermerakte në mbarë Evropën. /javanews/b.d
