Përditësim/ Kreu i ARRSH, Afrim Qendro ka dëshmuar ditën e sotme në Prokurorinë e Tiranës pas zbulimit të skandalit që fshihej pas kompanisë që do ndërtonte lotin e parë të Unazës së Re, ‘DH Albania’, e cila kishte falsifikuar dokumentet për marrjen e tenderit.
‘DH Albania’ fitoi dy tendera me vlerë 30 milionë euro, 18 milionë për ndërtimin e lotit të parë te Unaza e Re dhe 12 mln euro të linjës së tensionit 220 kë Burrel-Peshkopi.
Afrim Qendro dha dëshminë e tij përballë oficerit të policisë gjyqësore Ludovik Ndokaj për rreth dy orë, nga ora 12:00-14:00.
Pas daljes nga organi i akuzës ai u shpreh se ”Erdha si drejtor. Nuk kam se cfarë të them, nuk ka asnjë shkelje, ARRSH nuk ka bërë asnjë shkelje”.
Ndërkohë që sot do të japë dëshminë edhe drejtori i OST-së, Klodian Gradeci. Nesër do të pyeten anëtarët e njësisë që vendosin kriteret për tenderat.
***
Kreu i ARRSH-së, Afrim Qendro po dëshmon në Prokurorinë e Tiranës në lidhje me skandalin e firmës ‘DH Albania’.
Afrim Qendro po merret në pyetje në lidhje me tenderin e ‘DH Albania’ tek Unaza e Re
Kompania ‘DH Albania’, e cila fitoi tenderin për ndërtimin e lotit të parë të Unazës së Re, rezultoi se kishte falsifikuar dokumentet në SHBA.
Mësohet se një ditë më parë në prokurorine e Tiranes u pyetën edhe pesë anëtarët e vlerësimit të ofertave.
Në tenderin e anuluar, pas shpërthimit të skandalit me falsifikimin e dokumenteve, kompania “DH Albania” e fitoi kontratën për ndërtimin e lotit të parë me një çmim prej 2.24 miliardë lekësh, ose rreth 18 milionë euro.
Javanews/a.cupaj
