Policia e Kosovës ia ka dhënë dy tenderë bashkëshortes se një biznesmeni i cili akuzohet se mashtroi Policinë në disa tenderë. Vlera e tenderëve të fituar është rreth 700 mijë euro. Policia arsyetohet se kompania i plotësoi kushtet Gruaja e biznesmenit që akuzohet se mashtroi Policinë e Kosovës për miliona euro, ka fituar tender mbi 700 mijë euro nga ky institucion.
Insajderi ka zbuluar se kompania “Sodex Group”, që figuron në pronësi të Zaide Pira, bashkëshortja e biznesmenit Astrit Pira, ka fituar dy tenderë nga Policia e Kosovës. Njërin e ka fituar në dhjetor të vitit të kaluar për furnizim me maska që peshon mbi 60 mijë euro dhe tjetrin në janar të këtij viti për furnizim me pajisje policore në vlerë prej 620 mijë eurosh. Kompania Friends ku bashkëshorti i saj ka rol udhëheqës e ka të ndaluar të fitojë tenderë publikë për shkak të mashtrimeve që ka bërë në të kaluarën.
