Shkëlzen Berisha ka folur pas dëshmisë në prokurorinë e Tiranës duke treguar se çfarë tha para prokurorit Ardian Braho në datë 1 shkurt në mbrëmje. Në një intervistë për Tv Klan ai thotë se rihapja e hetimeve për privatizimin e Operatorit të Sistemit të Shpërndarjes nga kompania CEZ është vetëm një shashkë politike e Edi Ramës për të mbuluar vjedhjen e tij në qeverisje.
“Kam shkuar në prokurori dhe dëshmuar të njëjtat gjëra që kam thënë sa herë që kam dalë nga komisioni hetimor parlamentar. Të ardhurat e mia dhe aktiviteti nuk ka asnjë lidhje me privatizimin e OSHEE. Kjo është një shashkë politike e Ramës. Edi Rama ka frikë, sepse e di që nuk mund të mbyllë vjedhjen e 650 mln eurove. Ai dhe bashkëshortja e tij do të japin llogari një ditë. Ai ka frikë, pasi e pret fati i Tahirit” deklaroi ai ndër të tjera.
Pas djalit të ish-kryeministrit, Prokuroria e Tiranës ka thërritur sot edhe ish-ministrin e Energjisë dhe Infrastrukturës Genc Rulin për të dëshmuar për dosjen “CEZ”. Vetë ish-ministri e ka konfirmuar lajmin dhe ka thënë se do të paraqitet në Prokurori dhe se po pret konfirmimin e orarit. TV KLAN
a.ç
