Nuk rresht se habituri deputeti i PD Balliu duke qene shume “origjinal” ne pergjigjet qe jep. I ftuar në studion e lajmeve në News24, deputeti i Partisë Demokratike, Klevis Balliu, ka komentuar akuzat e PS adresuar PD, për pagesat e off-shore, duke pohuar se PD nuk ka bërë korrupsion me mosdeklarimin e një pjese të parave me të cilat u financua fushata në zgjedhjet e 25 qershorit. Sipas Balliut Partia Socialiste nuk është duke akuzuar PD-në, por vetë Amerikanët, nën pretendimin se pagesat e PD-së janë transparente.
“Pagesat e PD-së janë transpartente dhe janë në departamentin e shtetit. Socialistët nuk po akuzojnë PD-në, por Amerikën”, ka deklaruar Balliu.
Më tej Balliu ka thënë se PD duhet të vazhdojë luftën kundër qeverisë së inkriminuar, për ta rrëzuar këtë qeveri.
“PD duhet të vazhdojë luftën me qeverinë e inkriminuar, duke denoncuar inkriminimin e saj. Në këtë mënyrë do të krijojë aksionin e duhur i cili do të lindë nga vetë shqiptarët për shkak të varfërisë, që do të rrëzojë qeverinë”, ka thënë ndër të tjera Klevis Balliu.
