Një skandal i vërtetë ka ndodhur në Kavajë teksa bashkia e drejtuar nga Partia Demokratike ka vënë në dispozicion forcat zjarrfikëse kundër policisë.
Ngjarja ka ndodhur në KZAZ Nr.42, ku militantët e PD kanë tentuar të futen me forcë. Policia ka shpërndarë turmën me spraj piperi dhe gaz lotsjellës.
Forca të shumta të sigurisë, FNSH dhe RENEA janë vendosur në ambientet përrreth KZAZ për të rujatur sigurinë. Militantët kanë hapur me forcë gardhin rrethues të kësaj godine.
Disa militantë janë kapur nga kamerat në momentin që kanë marrë gazin lostjellës duke e hedhur në drejtim të policisë. Ata kanë hedhur edhe gurë në drejtim të forcave të sigurisë.
Kjo situatë ishte paralajmëruar pasi zyrtarët e Bashkisë së Kavajës të drejtuar nga Isa Sakja i pranishëm në KZAZ vunë ultimatum duke kërkuar largimin e materialeve zgjedhore nga ambientet e kësaj shkolle që shërben si KZAZ.
