Një shofer ambulancash 27-vjeçar po hetohet nga prokurorët italianë nën dyshimin e vrasjes së pesë pacientëve të moshuar. Të gjitha rastet ndodhën gjatë ose pak pas transportimit të pacientëve nga ambulanca që ai drejtonte.
Burime hetimore thonë se shoferi, i punësuar nga Kryqi i Kuq Italian, mund të ketë përdorur substanca të dëmshme gjatë transferimeve midis spitaleve dhe shtëpive të kujdesit në rajonin Emilia-Romagna. Ai është pezulluar nga detyra, por nuk është arrestuar.
Rasti më i fundit i hetuar është ai i një gruaje 85-vjeçare që ndërroi jetë në nëntor 2025 gjatë një udhëtimi për fizioterapi. Avokatët e familjes theksuan se ambulancat në fjalë përdoren për transport rutinë, pa infermierë, dhe jo për emergjenca.
Kryqi i Kuq Italian deklaroi se është “thellësisht i tronditur” dhe shpreson që hetimi të zbardhë tragjedinë, duke vënë në dukje se episodi është i huaj për misionin e organizatës.
Avokatja e të dyshuarit tha se klienti mohon akuzat.
