Ndonëse nuk ka punuar asnjë ditë të vetme, Enri Ceno, kandidat për deputet i Partisë Demokratike në 2017-n, aktualisht kryetar i departamentit për të drejtat e njeriut në PD, rezulton të jetë i përfshirë muajt e fundit në aktivitete lobimi në Shtetet e Bashkuara të Amerikës.
Deklarimet në Departamentin Amerikan të Drejtësisë, provojnë se në datën 16 Prill të vitit 2019, Enri Ceno ka firmosur një kontratë lobimi me kompaninë “Washington Consultants LLC”.
Kjo kompani angazhohet që të promovojë interesat e Cenos në median amerikane dhe qarqet me influencë politike të Washingtonit.
Vetë kompania “Washington Consultants LLC” shoqërohet me hije dyshimi, pasi është rregjistruar pranë departmanetit të drejtësisë në Shkurt të vitit 2019, me dy themelues pothuajse anonimë, Bigz A Bigirwa dhe Afua A Bigirwa. Në deklarimet që bën kompania, Enri Ceno është i vetmi klient i saj.
Pyetja që ngrihet në këtë rast, është se cilat janë arsyet që e cojnë Cenon, kandidatin e Luzim Bashës për të lobuar në SHBA, për të kërkuar akses në qarqet mediatike dhe politike amerikane?
Ku i gjen Ceno, i riu që nuk ka punuar asnjë ditë, mijëra dollarët për të paguar një kompani lobimi në SHBA? Mos ndoshta Ceno është thjesht emri i radhës pas të cilit fshihen interesat e Lulzim Bashës?(lexo.al)/l.m
