Kryeministri Edi Rama është shprehur se Qeveria vendosi shpërndarjen e bonusit për pensionistët edhe në pranverë përveç dimrit, për shkak se ekonomia shqiptare është rritur.
Komentet Rama i bëri gjatë një deklarate për mediat bashkë me zv.kryeministren Belinda Balluku, ku foli rreth vendimit të ekzekutivit për uljen e çmimit të energjisë elektrike me 1 lek për kWh.
Rama tha gjithashtu gjatë fjalës së tij se bonusi i pensionistëve për Vitin e Ri dhe në pranverë nuk do të jetë vetëm për këtë vit për qëllime elektorale, por do të jetë aty edhe në vazhdim.
“Për çdo gjë që kam bërë, bëj dhe do bëj, njerëzit do thonë dhe nuk më intereson se çfarë thonë. Ajo që më intereson është se mbi 1 milionë konsumatorë abonentë të energjisë elektrike do të paguajnë një çmim të ulur të saj falë një suksesi kuptimplotë, në një rrugë nga humnera drejt majës së Shqipërisë 2030.
Thanë edhe që bonusi i pranverës për pensionistët është elektoral, unë vetë si qenie jam elektoral që kur dal nga shtëpia, prandaj kështu do thonë për çdo gjë që unë bëj. Por ajo që më intereson mua është që pensionistët do të marrin një bonus tjetër, sepse ekonomia po rritet dhe rritjen e duam ta kemi gjithëpërfshirëse.
Pra të gjithë të marrin pjesën e tyre nga kjo rritje. Ajo që mua më intereson është e vërteta. Bunuset e pensioneve janë aty për të qëndruar, si rezultat i projeksioneve dhe rritjes së ekonomisë. Ulja e energjisë është aty për të qëndruar”, tha Rama.
k/hajduti i pp me hajdutet e tije,bonosin per pensionistat,qe do japin ne pranvere,ua jepe qe te blejne nji bakllava,e nji kg mishe.Me kyt bonus mendon te mashtroje pensionistat,ne kembim te votes.Kjo eshte joshia,qe mendon k/hajduti,valle penisinitat,a do te tregohen kaqe te pa afte te mashtrohen me nji bonus qesharak.Kjo mbetet per tu pare,nga te braktisurit,nga qeveria hajdute,qe jane pesionistat.