Koronavirusi nuk rresht së shkaktuari shqetësim dhe bilanc të rënduar infektimi dhe viktimash në vend, ku në 24 orët e fundit u shënuan 6 viktima dhe 135 raste të reja.
E rënduar paraqitet edhe situata e shtrimeve, ku më spitalin Infektiv dhe “Shefqet Ndroqi” po trajtohen 189 pacientë të konfirmuar pozitivë me COVID-19, 12 në terapi intensive nga të cilët 4 pacientë janë të intubuar.
Gjithashtu në dy spitalet COVID janë duke marrë shërbim të specializuar 17 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.
Mes personave që kanë humbur jetën në orët e fundit është edhe një 63-vjeçar nga Tirana, i cili ka ushtruar detyrën e infermierit në spitalin e Traumës dhe vuante nga sëmundje bashkëshoqëruese, me gjithë përpjekjet maksimale të mjekeve dhe infermiereve.
g.kosovari
