Kryeministri Edi Rama ka reaguar lidhur me situatën hidrike në territorin e Bashkisë Shkodër, duke bërë me dije se gjendja paraqitet e qëndrueshme dhe pa problematika të evidentuara.
Sipas tij, nivelet e ujit në lumenjtë Bunë dhe Drin mbeten nën kuotat kritike dhe brenda parametrave të sigurisë. Megjithatë, gjatë 24 orëve të fundit është regjistruar një rritje e lehtë e niveleve, me rreth 10–20 centimetra krahasuar me një ditë më parë.
Kryeministri thekson se nuk ka asnjë banesë të përmbytur dhe nuk raportohet prezencë uji në banesa në të gjithë territorin e Bashkisë Shkodër.
“Situata në territorin e Bashkisë Shkodër paraqitet e qëndrueshme, me nivele uji nën kuotat kritike dhe pa problematika të evidentuara.
Nivelet e ujit në lumenjtë Bunë dhe Drin mbeten të kontrolluara dhe brenda parametrave të sigurisë, por gjatë 24 orëve të fundit janë regjistruar rritje të niveleve me rreth 10–20 cm krahasuar me një ditë më parë.
Nuk ka asnjë banesë të përmbytur dhe as prezencë uji në banesa në të gjithë territorin e Bashkisë Shkodër.
Bashkia Shkodër është në monitorim të vazhdueshëm të situatës dhe vërehet një tendencë e tërheqjes së ujit nga zonat ku ka pasur prani të tij”, nënvizon Rama.
