Situata shqetësuese me sëmundjen e fruthit e cila është rikthyer në Shqipëri, ka zënë sërish vend në parlamentin e Shqipërisë, aty ku kreu i grupit parlamentar të LSI-së Petrit Vasili ka hedhur akuza drejtuar qeverisë.
Vasili ka deklaruar se qeveria e ka lënë në dorë të spontanitetit sëmundjen dhe të prekurit me fruth.
“Të jeni të bindur që shteti shqiptar mund të kërcënohet dhe nga qëndrime të ashpra të trajtimit të rrezikshëm të kësaj epidemie duke ia lënë spontanitetit. Ky reflektim duhet të kishte ndodhur prej javësh, po së paku do të shërbente si sensibilizim për qytetarët. Sot as qeveria as ministri i Shëndetësisë nuk kanë shifrën e përafërt të atyre që duhet të vaksinohen në një situatë të re, sot Shqipëria nuk ka vendosur asnjë lek cili duhet të jetë fondi shtesë i vaksinave të tjera për të përballuar epideminë. Këto janë fakte publike”, tha Vasili./a.m.
