Gati gjysma e të infektuarve aktivë me COVID-19 janë në kryeqytetet. Kështu, nga rreth 15 mijë raste aktive të raportuara në të gjithë vendin, më shumë se 7400 janë vetëm në Tiranë.
Edhe nga të dhënat e raportimit ditor, duket qartazi që kryeqyteti është kthyer në vatrën kryesore të infeksionit. Të mërkurën u regjistruan 711 raste të reja pozitive me COVID-19, nga të cilat 374 vetëm në Tiranë.
“Në 24 orët e fundit, në vendin tonë janë kryer 2574 testime. Kanë rezultuar pozitivë me virusin SARS COV 2, 711 qytetarë. Rastet pozitive të konfirmuara në 24 orët e fundit janë identifikuar në këto bashki: 374 raste në Tiranë, 61 raste në Korçë, 44 raste në Lezhë, 41 raste në Elbasan, 21 raste në Shkodër, 19 raste në Gjirokastër, 18 raste në Berat, 11 raste në Librazhd, Mirditë, Malësi e Madhe, 10 raste në Kavajë, Pogradec, 9 raste në Kuçovë, 8 raste në Durrës dhe Fier, 7 raste në Kukës, Tropojë, Mallakastër, Sarandë, 6 raste në Skrapar, 5 raste në Devoll, Lushnjë, 3 raste në Vlorë, 2 raste në Kurbin, Tepelenë, 1 rast në Has, Mat, Bulqizë, Kolonjë”, thuhet në njoftimin e Ministrisë.
g.kosovari
