Ministri i Mbrojtjes, Niko Peleshi informoi sot se vijon puna në terren për të izoluar 6 vatrat e zjarrit në pesë qarqe të vendit.
Peleshi thekson se flakët e përhapura për shkak të erës nuk përbëjnë rrezik për zonat e banuara.
“Në 6 vatra zjarri në qarqet Berat, Shkodër, Lezhë, Elbasan dhe Durrës po punohet prej orëve të para të ditës nga forcat operacionale në terren për të izoluar flakët që për shkak të erës janë përhapur, por pa rrezik për zonat e banuara”, shprehet Peleshi.
Ministri Peleshi vuri në dukje se “problematike është situata në fshatin Ndërshen, njësia administrative Orosh, bashkia Mirditë, ku është e vështirë edhe ndërhyrja e helikopterit për shkak të kushteve atmosferike”.
“Në terren forcat vijojnë punën të mbajnë nën kontroll vatrat afër banesave”, tha Peleshi./m.j
