Fatkeqësisht lëkundjet e forta të tërmetit në Shqipëri kanë marrë jetë njerëzish, duke shkaktuar gjithashtu rreth gjashtëqind të plagosur ndërsa autoritetet ende po kërkojnë në rrënoja.
“Sanità diFrontiera” dhe “Consulcesi Onlus” në Itali janë vënë menjëherë në lëvizje për të mbështetur popullin shqiptar, i goditur ashpërsisht orët e para të mëngjesit të dates 26 nëntor nga lëkundet e tërmetit, me magnitudë 6,5 ballë. Në harkun e pak orëve, falë edhe suportit të Universitetit Tor Vergata, menjëherë u krijua një strukturë mjekësore për të mbështetur operatorët lokalë në operacionet e ndihmës së parë, falë edhe Njësisë Lëvizëse të “Sanità di Frontiera”.
Gjithashtu edhe “Consulcesi”, e cila ka selinë e saj në Tiranë, përfshiu profesionistët e komitetit shkencor të Sanità Informazione” (struktura përgjegjëse për përditësimet profesionale të personelit mjekësor në Shqipëri), drejtues universitetesh dhe strukturat parësore të spitaleve shqiptare.
Falë rrjetit të “Consulcesi” u lancua edhe një apel ndaj të gjithë mjekëve dhe profesionistëve të sektorit shëndetësor italian, në mënyrë që aktiviteti i Njësisë Lëvizëse të “Sanità di Frontiera” në Shqipëri të mund të ishte sa më kapilar dhe depërtues. Për më tepër, “Consulcesi” agazhoi edhe stafin për suportin logjistik në zonat e prekura nga tërmeti duke vënë në dispozion si numrin jeshil 800.122.777, ashtu edhe duke u kujdesur për shërbimet në mbështetje të popullit shqiptar me mjekë dhe fonde.
“Jemi në kontakt të vazhdueshëm me institucionet shqiptare”, ka thënë Massimo Tortorella, President i “Consulcesi Onlus”. “Po ndjekim nga afër zhvillimet e fundit. Për momentin, falë edhe mbështetjes ngaTor Vergata jemi vënë në lëvizje, por ka shumë nevojë për të përfshirë një numër më të madh profesionistësh dhe gjithashtu është e rëndësishme të ofrojmë mbështetje psikologjike. Personat kyç nëkëtë fazë janë mjekët e përgjithshëm, infermierët dhe natyrisht psikologët.
Do të jetë gjithashtu i nevojshëm trajnimi i personelit për të përballuar rastet e fatkeqësive të tilla dhe për këtë arsye ‘Consulcesi Onlus’ dhe ‘Sanità di Frontiera’ do të punojnë për të ofruar edhe një kurs përditësimesh profesionale. Një tjetër aspekt i rëndësishëm është edhe mbështetja ekonomike e vendit përmes mbledhjes së fondeve dhe plotësimit të nevojave themelore”, është shprehur z. Tortorella. /e.s/
