Numri i pacientëve me gjendje gripale të cilët i drejtohen qendrave shëndetësore për të marrë mjekim është rritur.
Nga të dhënat e bëra publike nga Ministri i Shëndetësisë vihet re se në Tiranë ka pasur fluks edhe në poliklinikat e lagjeve. Sipas këtyre të dhënave, 576 është numri i përgjithshëm i vizitave të kryera në datën 3 Janar në 10 Qendrat Shëndetësore të Tiranës.
Nga këto vizita rezulton se 301 janë fëmijë dhe 275 të rritur. Ndërkaq fluks pacientësh në qendrat shëndetësore, por edhe në Urgjencën Pediatrike ka pasur edhe gjatë ditës së sotme.
Në Durrës situata paraqitet e rëndë. Në 24 orët e fundit në spital ka pasur 420 vizita nga pacientë që po vuajnë virozat e stinës.
