Shqipëria ndodhet më pranë se kurrë rrezikut të një epidemie të sëmundjes së diabetit. Specialistët pohojnë se 1 në 8 të rritur në Shqipëri ka diabet. Shifrat alarmante u deklaruan nga Prof. Dr. Agron Ylli, Drejtues i Departmentit të Endokrinologjisë në QSUT, në takimin e ekpsertëve të kësaj sëmundjeje , organizuar nga kompania globale farmaceutike Sanofi në kuadër të fushatës së ndërgjegjësimit në Ditën Botërore të Diabetit.
Mbi 240 mijë shqiptarë me moshë nga 20 në 79 vjeç vuajnë nga diabeti, dhe të paktën gjysma e tyre nuk janë ende të diagnostikuar. Për këtë arsye, ekspertët bëjnë thirrje për diagnostikim të hershëm të sëmundjes.
Ylli paralajmëron se, veçanërisht nëse keni simptomat e para të kësaj sëmundje (urinim të shpeshtë, uri, etje e tepërt, lodhje të vazhdueshme, infeksion në organet gjenitale dhe plagë që shërohen me vështirësi) drejtohuni menjëherë te mjeku për të bërë testin e sheqerit në gjak.
Ndërsa, Bledar Shorri, përfaqësues i kompanisë farmaceutike Sanofi, theksoi se pacientët duhet të testojnë hemoglobinën e glikozuar të paktën dy herë në vit por janë endokrinologët ata që mund të përcaktojnë me saktësi se cili është mjekimi më i mirë dhe kur duhet implementuar.
Profesor Ylli dhe kolegët e tij morën pjesë në këtë iniciativë duke bërë testin e sheqerit në gjak në mënyrë publike për të nxitur sa më shumë njerëz që të bëjnë check-up çdo vit.
E pranishme në aktivitet, ambasadorja e Francës, Christina Vasak, nënvizoi bashkëpunimin e hershëm midis Francës dhe Shqipërisë në fushën e shendetësisë ndërsa vlerësoi rolin dhe nismën e Sanofit në fushatat e sensibilizimit dhe parandalimit të sëmundjeve.
Sanofi është një kompani globale biofarmaceutike e fokusuar në shëndetin e njerëzve. Synimi i aktivitetit të Sanofi është parandalimi i sëmundjeve me vaksina, sigurimi i mjekime inovative për të luftuar dhimbjen dhe për të lehtësuar vuajtjen.
Me më shumë se 100,000 punonjës në mbi 100 shtete, Sanofi po transformon inovacionin shkencor në zgjidhje të kujdesit shëndetësor në të gjithë globin.
