Lista e hapur rrit fuqinë e votës në sistemin zgjedhor. Lidhur me këtë është diskutuar në emisionin “Real Story”, ku analisti Roland Lami u shpreh se po të kombinohen të dy elementët, mund të dalin lista të mira.
Ndërsa, analisti Mentor Nazarko renditi rrisqet që ky sistem mund të ketë.
“Është një lajm i mirë. Por unë kam rezervat e mia për këtë lloj qasje. Është një sistem në miniaturë që e kemi pasur dhe më përpara, që votohet jo për kandidatin dhe automatikisht përfitojnë kandidatët që janë jo në listat e mbyllura. Në listat e hapura futet në garë ai që është më i zoti. Në këtë kuptim nëse kemi një lidership që di të ekulibrojë figura, njerëz që premtojnë, që kanë një lloj nervi politik, kanë kohë që punojnë në struktura. Unë mendoj që është një sistem që po të kombinohen të dy elementët, mund të ketë lista të mira”, tha Lami.
“Kjo risi kërkon dhe një periudhë prove, adaptimi të stilit të votuesit shqiptarë, i cili është mësuar të votojë në një mënyrë tjetër dhe papritmas do votojë ndryshe. Do të duhet të shikojmë fletën e votimit se si është e ndërtuar.
Ka disa rrisqe, i pari, i kohës që do të marrë çështja e preferencës. Sepse në momentin që kemi më shumë numra, votuesi do të marrë më shumë kohë. E dyta, lufta e brendshme për të interpretuar listën gjatë numrit është gjithashtu një problem”, u shpreh Nazarko.
