Teknologjia e futbollit do të debutojë edhe në Angli. Videoasistenti i referit do të përdoret në ndeshjen e raundit të tretë të FA Cup mes Crystal Palacet dhe Brighton-it të hënën, transmeton Zëri.info.
Kjo teknologji, e cila ishte shfrytëzuar në Kupën e Botës për Klube në vitin 2016, është përdorur edhe në Kupën e Konfederatave vitin e kaluar dhe në kampionatin italian dhe atë gjerman.VAR-i mund të përdoret në disa situata të ndryshme, të cilat mund të jenë vendimtare për një ndeshje si golat, penaltitë, kartonët e kuq apo në rast të gabimit të identitetit të lojtarit.
Teknologjia për herë të parë në tokën angleze është përdorur në ndeshjen miqësore mes Anglisë dhe Gjermanisë në nëntor, por sidoqoftë, referi nuk kishte nevojë për ndihmën e saj.
VAR-i do të përdoret gjithashtu edhe një gjysmëfinalen e Carabao Cup mes Chelseat dhe Arsenalit dhe gjithashtu në finalen e këtij kompeticioni. Ish-referi Mike Riley shprehet se gjyqtarëve do t’iu nevojitet kohë për t’u mësuar dhe insiston se VAR-i nuk është i përkryer. (b.an)
