Vala e refugjatëve nuk ka sesi të mos prekë edhe Shqipërinë, në një kohë kur shihet si një vend tranzit për të kaluar drejt Italisë dhe më gjerë në Evropë.
Ne oret e fundit në doganën e Tre Urave në Përmet mbërritën 7 refugjatë sirianë.Policia kufitare e Tre Urave iu ka dhënë ndihmën e parë pasi sipas njoftimeve të para ata kishin bërë një rrugë të gjatë në këmbë dhe për më tepër kishin ditë të paushqyer.
Këta shtetas fillimisht u shoqëruan në rajonin e Policisë së Gjirokastrës, ndërsa pasi shfaqën dëshirën vullnetare për tu rikthyer në Greqi ata u shoqëruan në pikën e kalimit në Kakavijë.
Refugjatët sirianë prej muajsh tashmë janë vendosur në Greqi, ndërsa kanë tentuar edhe rrugë kalimi përmes Maqedonisë dhe së fundmi drejt Shqipërisë.
