Ankaraja zyrtare bëri me dije se ka vrarë 277 luftëtarë kurdë pas mësymjes së saj në Siri, ndërkohë që nga radhët e Turqisë, është vrarë vetëm një ushtar.
Por, ndërkohë që Turqia ka nisur betejën në Sirinë veriore, në Europë ka shqetësim se Erdogan është duke forcuar ISIS, duke luftuar kurdët. Për këtë arsye, Franca ka kërcënuar Turqinë, se do të kërkojë sanksione nga BE-ja.
Emannuel Macron thotë se Turqia është duke ndihmuar rimëkëmbjen e ISIS, me luftën që ka nisur ndaj kurdëve në Siri. Presidenti amerikan Donald Trump, ndërkohë ka reaguar sërish, pas kritikave nga republikanët, për tërheqjen e ushtrisë amerikane nga Siria veriore, duke i hapur kështu rrugë ushtrisë turke.
Trump thotë se kishte tre alternativa: “Të dërgoja mijëra trupa të tjerë, për të fituar ushtarakisht, të godisja fort financiarisht dhe me sanksione Turqinë, ose të ndërmjetësoja një marrëveshje mes turqve dhe kurdëve”.
Kurdët kanë ruajtur rreth 10,000 të burgosur të ISIS-it dhe Presidenti rus Vladimir Putin u bashkua politikanëve britanikë dhe amerikanë sot duke shprehur frikën se ata mund të shpëtonin.
“Nuk jam i sigurt nëse ushtria turke do të jetë në gjendje ta marrë këtë nën kontroll – dhe sa shpejt,” tha Putin në fjalimet televizive për një vizitë në Turkmenistan. ‘Ky është një kërcënim i vërtetë për ne‘.
Kombet e Bashkuara thanë se 70,000 njerëz janë shpërngulur deri më tani në qytetet Ras al Ain dhe Tel Abyad, ku janë përqëndruar luftimet më të forta.
Përkundër zemërimit global, Presidenti Rexhep Tajip Erdogan kërcënoi Evropën dje se do të ‘hapte dyert’ për 3.6 milion refugjatë të përmbyten në kontinent nëse inkursioni i tij përcaktohej si një okupim.
Ministria e Mbrojtjes e Turqisë tha se në operacionet brenda natës ushtria turke dhe aleatët e saj rebelë Sirianë vranë 49 militantë kurdë.
Luftimet u zhvilluan në vendbanimet kufitare përgjatë frontit 75-milje ku është përqendruar Operacioni Pranvera e Paqes, që filloi të Mërkurën.
Të Premten në mëngjes, avionët dhe artileria turke goditën rreth Ras al Ain të Sirisë, një nga dy qytetet kufitare që kanë qenë në qendër të ofensivës. Një zjarr me armë mund të dëgjohet gjithashtu brenda qytetit, tha një gazetar i Reuters në Ceylanpinar. / Javanews
g.kosovari
