Primet e sigurimit të detyrueshëm motorik, gjatë periudhës janar – shtator 2015 arritën rreth 6,102 milionë lekë, ose 21.38% më shumë se në periudhën janar – shtator 2014.
Sipas të dhenave të publikuara nga Autoriteti i Mbikqyrjes Financiare, AMF, produkti MTPL e brendshme, në periudhën janar – shtator 2015, pati një rritje prej 27.39% të volumit të primeve të shkruara bruto. Kjo u shoqërua edhe me rritje të numrit të kontratave prej 6.79% krahasuar me periudhën janar – shtator 2014.
Produkti Sigurim Kufitar në periudhën janar – shtator 2015 pati një ulje prej 15.96% të volumit të primeve të shkruara bruto. Kjo u shoqërua nga një ulje e numrit të kontratave prej 26.47% krahasuar me periudhën janar – shtator 2014.
Produkti Karton Jeshil, në periudhën janar – shtator 2015, pati një rritje me 17.77% të volumit të primeve të shkruara bruto krahasuar me periudhën janar – shtator 2014. Po kështu edhe numri i kontratave u rrit me 19.00%.
AMF bën të ditur se pagesat e dëmeve gjatë periudhës janar – shtator 2015 u rritën me 17.63% krahasuar me periudhën janar – shtator 2014. Pjesa më e madhe e dëmeve të paguara bruto i përket sigurimit motorik me rreth 1,490 milionë lekë, apo 63.55% të totalit të dëmeve të paguara bruto.
ATSH
