Pas tragjedisë së Xhenovas, ku dhjetëra persona humbën jetën, mes të cileve dy shqiptarë, si pasojë e shembjes së një ure ka reaguar edhe ARRSH, duke dhënë sqarime mbi gjendjen e uravë ne vend
Afrim Qendro deklaroi se nuk jemi në alarm dhe se nuk ka nevojë për panik.
Ai deklaroi se janë 7 ura që kërkojnë ndërhyrje të shpejtë, por situata nuk është emergjente dhe as alarmante dhe nuk ka frikë për një skenar xhenovez
Sipas tij ura me problematikën më të madhe është ura në Dragot, e cila lidh Tepelenën me Përmetin dhe zonat përreth.
“Kemi ndërhyrë në 25 ura, ndërkohë aktualisht po ndërhyhet edhe në disa ura të reja. Nuk jemi në panik, as në emergjencë dhe as në alarm. Jemi në monitorim të vazhdueshëm. Pavarësisht asaj që ka ndodhur në Itali, ne kemi ngritur një grup pune. ARRSH ka kërkuar financime për disa ura. Inspektimi i urave do të vihet në funksion të bashkive”, deklaroi Qendro
Kemi problem me gërryerjen e lumenjve në bazamentet e urave, tha Qendro, ndërsa kërkoi të merren masa për parandalimin e këtij fenomeni.
Javanews/a.ç
