Tetë deputetë të partisë demokratike të cilët janë përjashtuar nga aktiviteti parlamentar për 10 ditë për shkelje të rënda të rregullores kanë tentuar të hyjnë me dhunë në seancën e sotme parlamentare këtë pasdite.
Ndonëse janë pikërisht ata që e kanë thyer rregulloren, deputetët e konsiderojnë përjashtimin e tyre si dhunim të fjalës së lirë.
Paradoksalisht, janë deputetët e së njejtës forcë politike që dje në pushtet, kërkonte tu hiqte me dhunë fjalën e lirë deputetëve socialistë, asokohe në opozitë.
Mjafton të kujtojmë nismën e PD kur kuvendi drejtohej nga Topalli, që çdo deputeti i cili qëndronte në foltore më shumë se dy minuta do të përjashtohej për 21 ditë dhe nuk do të merrte as pagën. Pra deputetët e opozitës mund të flisnin vetëm kur donte dhe sa donte Jozefina Topalli.
Ky propozim erdhi nga demokrati Eduart Halimi në kohën kur kryeparlamentarja nuk u jepte te drejtën e fjalës deputetëve të opozitës, që kërkonin të flisnin me kohë të barabartë sa qeveria e Berishës./m.j
