14 marsi prej vitesh është kthyer në një festë kombëtare.
Por Ylli Manjani, thotë se prapa shpalljes si festë zyrtare të kësaj dite, ka një histori banale.
“Ka një historiçkë edhe më banale vendosja e kësaj dite si ditë pushimi. Në mars 2003 PD filloi një seri protestash me temën “Nano ik”.
Pas disa përpjekjesh për të qetësuar turmën e përditshme që nuk ja përtonte të thyente portat për të hyrë në godinën e Kryeministrisë, u gjet zgjidhja: antimitingu.
Dita e verës ishte një mënyrë për të mbushur bulevardin me joprotestues. Ndaj u shpall ata 14 mars ditë pushimi kombëtar. Në fakt ishte dita e antiprotestes.
Kjo është historia e kësaj dite “pushimi” pagan”, shkruan Manjani.
