Miliona meksikanë morën pjesë sot në një stërvitje kombëtare të simulimit të një tërmeti të fuqishëm, në këtë vend që goditet rregullisht nga tërmetet, njoftuan sot autoritetet.
Në orën 11:00, sirenat njoftuan alarmin e rremë, me qëllim testimin e procedurave të evakuimit në rast tërmeti me magnitudë më të lartë se 6 në shkallën Rihter.
Popullatës, në veçanti në kryeqytet, ku ka një numër të madh kullash, iu desh më pak se një minutë për t’u siguruar, para se të shfaqeshin grupet e para të shpëtimit.
“Njerëzit po bëhen gjithnjë e më shumë të vetëdijshëm, sepse ne jemi një vend shumë sizmik. Ata e morën stërvitjen me shumë seriozitet”, tha Marco Antonio Velasquez, i shërbimeve të Prokurorit të Përgjithshëm të Meksikës. /e.s/
