Pas tërmetit të fuqishëm të së martës, një pjesë e madhe e njerëzve i ka pushtuar ankthi dhe paniku. Madje disa prej tyre kanë përfunduar në spital nga tronditja që i ka shkaktuar lëkundja e madhe.
Psikologia Oriola Plaku ka treguar se si mund të menaxhohet kjo situatë e ngarkuar në gjendje psikologjike.
“Meditimi, teknikat e frymëmarrjes, ecja në natyrë janë disa gjëra që duhet të bëni për të menaxhuar ankthin post tërmet. Duhet të frekuentoni vende që juve ju pëlqejnë të shkoni, ta ndani me të tjerët ndjesinë tuaj”, tha ajo në emisionin ‘Rreze Dielli’.
Psikologia Plaku shtoi se nuk rekomandohen ilacet pa rekomandimin e mjekut pasi mund të shkaktojnë varësi psikologjike.
E rëndësishme është që cdo person që vazhdon të ketë probleme me ankthin duhet të vizitohet tek një psikolog që të flasë për gjërat që e shqetësojnë dhe të gjejë një zgjidhje.
/a.r
