Si të luftoni kancerin në shtatë hapa
Nëse jeni të shqetësuar në lidhje me shfaqjen e kancerit, mos rrini duarkryq dhe të shpresoni se nuk do të ndodhë. Ekzistojnë mënyra përmes të cilave mund ta zvogëloni në masë të madhe rrezikun nga kanceri.
Hani ushqime organike. -Disa studime kanë treguar se personat që hanë kryesisht ushqime organike në trupin e tyre kanë më pak komponentë për të cilët është dëshmuar të jenë kancerogjenë. Ushqimet organike gjithashtu përmbajnë pesticide, por në një masë shumë më të vogël.
Hani ushqime ngjyrë portokalli. – Ushqimi ngjyrë portokalli është një burim i shkëlqyer i karotenoideve, një grup i fitonutrienteve që gjenden në karota, patate të ëmbla, kajsi, mango, kungull, papaja dhe pjeshkë. Sigurisht keni dëgjuar për beta karotenin, luteinën dhe likopenën. Këto janë lloje të veçanta të karotenoideve, ndërsa një studim zbuloi se mund ta zvogëlojë rrezikun e kancerit për madje 32 për qind.
Hani ushqim antikancerogjen. – Këto janë boronicat, brokoli, hudhra, çaji i gjelbër, shega, domatet dhe shafrani. Ekzistojnë shumë ushqime me veti të fuqishme antikancerogjene, dhe të gjitha e kanë të përbashkët faktin se kanë veprim antikancerogjen, që do të thotë se e zvogëlojnë nivelin e radikaleve të lira në trup, të cilat janë një nga shkaqet kryesore të shfaqjes dhe përhapjes së qelizave të kancerit, transmeton Koha.net.
Konsumoni vitaminë D. – Vitamina D është shumë e rëndësishme për funksionimin e duhur të organizmit. Ajo ndihmon në mbrojtjen kundër sëmundjeve dhe kancerit. Ekspozimi i moderuar në diell është mënyra më e mirë për ta plotësuar nevojën e trupit për vitaminë D. Megjithatë, kjo nganjëherë mund të jetë e pamundur. Kjo është arsyeja se pse është e pashmangshme marrja e suplementeve me vitaminë D apo ngrënia e ushqimeve të pasura në vitaminë D. Në ditë do të duhej të merrni rreth 1.000NjN (njësi ndërkombëtare) të vitaminës D. Nëse dyshoni se nuk po merrni sasi të mjaftueshme të vitaminës D, gjithsesi konsultohuni me mjekun tuaj.
Konsumoni magnez. – Mungesa e magnezit në trup është më e zakonshme sesa mendoni, pa marrë parasysh se marrja e magnezit nuk është e vështirë nëpërmjet një diete të ekuilibruar dhe të larmishme. Ekspertët besojnë se rreth 80% e popullsisë botërore nuk merr sasi të mjaftueshme të magnezit. Magnezi gjendet në bajame, fara të susamit, fara të lulediellit, fiq, limon, mollë, perime me gjethe të gjelbra, selino dhe oriz ngjyrë kafe. Doza e rekomanduar ditore shkon nga 200 deri 800mg.
Konsumoni fara. – Farat e kungullit mund të ndihmojnë në mënyrë të konsiderueshme në parandalimin e kancerit të prostatës. Zgjidhni fara që janë të papërpunuara dhe ruani në temperaturë të ftohtë, sepse vetëm atëherë e kanë një sasi të kënaqshme të acideve yndyrore omega 3. Llojet e tjera të farave të cilat gjithashtu ofrojnë mbrojtje kundër kancerit janë farat chia, farat e lirit, farat e lulediellit dhe farat e kërpit.
Konsumoni zink. – Një numër i madh i njerëzve e nënvlerësojnë rëndësinë e zinkut për ta mbrojtur dhe përmirësuar shëndetin e të gjithë organizmit. Zinku merr pjesë në më shumë se 300 funksione trupore, duke përfshirë aftësinë e trupit për t’u mbrojtur prej radikaleve të lira. Zinkun e gjejmë në shumë ushqime, kështu që vërtet nuk është e vështirë ta marrim. Disa nga burimet më të mira janë brokoli, farat e kungullit, arrat braziliane, qepa dhe perimet me gjethe të gjelbra të errëta.
