Lidhja juaj ishte shumë e rëndësishme për ju, dhe për disa arsye rrethanore erdhi deri te ndarja. Por, nëse e doni prapë pranë jush ish të dashurin tuaj, kjo nuk është diçka e pamundur. Ka disa mënyra me të cilat mund ta bëni që ai të vijë pas jush, edhe pasi që i keni dhënë fund marrëdhënies tuaj.
Shkruajini një letër të ashpër
Ai mund të mendojë se ju jeni shumë e ndjeshme dhe po e vuani ndarjen, por nëse i shkruani diçka ku ia përmendni të gjitha të këqijat e lidhjes tuaj, ai do të mendojë se ju nuk e doni më. Do ta bëni të ndjehet fajtor.
Injorojini telefonatat dhe mesazhet
Gjatë kohës sa ishit bashkë, ishit në kontakt edhe në orët e vona të natës, edhe nëse ai ju thërriste sa ishit në gjumë ju gjithnjë përgjigjeshit në telefonatat apo mesazhet e tij. Injorojini të gjitha përpjekjet e tij për të kontaktuar me ju. Shtiruni kinse ai nuk ekziston. Sa më shumë kohë që kalon pa folur, aq më shumë do t’i mungoni.
Bëni palestër
Vraponi apo bëni palestër çdo ditë. Të dukeni në formë do t’ia shtojë atij dëshirën që t’ju ketë prapë të tijën. Nuk do të mundojë përpjekja e tij që të flasë me ju.
Ndryshoni pamje
Ju mund të dukeni bukur gjithmonë. Por, nëse ndryshoni diçka për të mirë te vetja që e freskon pamjen tuaj, do t’i përcillni atij një mesazh të rëndësishëm. Do t’i tregoni që jeni e fokusuar te vetja dhe do ta kuptojë se nuk është më në mendjen tuaj. Kjo do ta intrigojë burrërinë e tij.
Takoni miq të rinj
Nuk duhet lënë asnjëherë anash miqtë e tu të vjetër, por kur ai ta shohë se keni filluar të dilni me njerëz të rinj, do të ndjehet xheloz. Kjo për arsye se ai nuk i njeh ata. Shfaquni sa më shumë në klube apo në kafiteritë më eminente të qytetit.
Shkoni në vendet ku kishit planifikuar të shkoni bashkë
Të gjitha çiftet bëjnë planë, ashtu ishit edhe ju. Nëse kishit planifikuar që diku të shkoni bashkë, bëjeni pa hezitim. Por shkoni vetëm. Në ditët e sotme teknologjia ua regjistron cdo lëvizje. Publikoni fotografi, pikërisht nga vendet ku planifikuat të ishit bashkë. Me këtë veprim ai do ta kuptojë që ju nuk e patët problem ta vizitonit atë vend edhe pa të.
Vizitojini vendet ku dikur shkonit bashkë
Kur ishit ndarë, ai me siguri ka menduar se ju nuk do të mund ta bëni hapin pa të, e lëre më të vizitoni vendet ku dikur shkonit bashkë. Është pikërisht kjo ajo që duhet të bëni. Shkoni aty ku dikur shkonit që të dy. Kjo do t’ia dëshmojë që ju nuk ndjeheni keq dhe se keni problem të rrini në ato vende.
