Si ta dalloni se partneri po ju tradhton në rrjetet sociale
Tradhtia ka shumë forma, nga marrëdhëniet seksuale e deri tek mbajtja e një llogarie bankare të fshehtë. Me popullarizimin e rrjeteve sociale, flirtimi dhe tradhtia janë bërë faktorë ndikues në ndarjen e çifteve. Sipas studimeve të 5 viteve të fundit, thuhet se rrjetet sociale si “Facebook”u janë bërë një ndër shkaktarët kryesorë në rritjen e tradhtisë dhe për pasojë divorceve.
Flirtet shpesh janë kalimtare dhe sipërfaqësore, por kur komunikimi shtrihet më tej nëpërmjet rrjeteve sociale ka gjasa që partneri juaj nuk do t’i shpëtojë “tundimit”. Sipas sondazheve të bëra këto janë disa nga shenjat që partneri juaj po ju tradhton:
Nëse ai/ajo futet shpesh në mendime pas bisedave në rrjetet sociale: përdorimi i shpeshtë dhe i pakontrolluar i telefonit është një ndër shenjat që partneri po ju tradhton.
Nëse këto biseda bëhen prioritet dhe i marrin vëmendjen, duhet të shqetësoheni sepse ka diçka që nuk shkon.
Kur i shkruajnë në të gjitha orët: 20 vite më parë nëse një mik ju telefononte apo shkruante pas orës 9 të darkës shqetësoheshit dhe befasoheshit në të njëjtën kohë. Në ditët e sotme, një mesazh në “Facebook” në orët e vona nuk përbën aspak shqetësim. Por kur shikoni se partneri bisedon rregullisht edhe në orare të papërshtatshme, atëherë kjo mund të jetë një shenjë që po flirton me dikë.
Kur partneri zgjohet natën dhe kontrollon telefonin: nëse kjo gjë ndodh shpesh dhe partneri nuk ju jep shpjegime, kjo është një tjetër shenjë që ai mund të jetë duke ju tradhtuar.
Kur partneri e mbron në mënyrë posesive telefonin: njerëzit sillen në mënyrë të papërshtatshme kur përpiqen të fshehin diçka. Nëse partneri nuk ju lejon ta përdorni telefonin e tij ose, nëse përpiqet të fshehë gjithçka sa herë që ju takon, ka gjasa që po flirton me dikë tjetër.
Kur partneri fsheh listën e shokëve dhe murin në rrjetet sociale. Kur zbuloni se partneri ka një rrjet social që ju nuk ishit në dijeni.
