1553- Vdiq shkrimtari francez Francois Rabelais, një nga figurat më të shquara të Rilindjes Franceze. Romani i tij satirik “Gargantua dhe Pantagruel” është një nga veprat më domethënëse të Rilindjes.
1626- Vdiq shtetari dhe shkrimtari anglez Francis Bacon. Gjatë mbretërimit të mbretit James I Stuart, ai ishte Kancelar nga viti 1618 deri në 1621 (“Përparimi i shkencës”, “Organoni i ri”, “Atlantida e re”, “Ese ose këshilla etike dhe politike”).
1821- Lindi në Paris Charles Baudelaire, një nga poetët më të mëdhenj francezë të shekullit të 19-të. Përmbledhja e tij e vetme me poezi “Lulet e së keqes” e botuar gjatë jetës së tij, konsiderohet nga shumë kritikë letrarë si vepra më e madhe lirike e shekullit të 19-të.
1926- Lindi Hugh Hefner, publicist amerikan, botues i revistës Playboy, të cilën e filloi në dhjetor 1953 me imazhin e Marilyn Monroe të panjohur në atë kohë nudo në kopertinë.
1959- Vdiq arkitekti amerikan Frank Loyd Wright, një nga krijuesit e arkitekturës moderne funksionale. Ai ishte i pari në Shtetet e Bashkuara që përdori beton të armuar. Ai projektoi Muzeun Guggenheim në Nju Jork dhe Hotelin Imperial në Tokio.
1969- Aeroplani supersonik i pasagjerëve franko-britanik Concorde bën fluturimin e tij të parë nga Bristol në Fairford, Angli.
1995- Presidenti peruan Alberto Fujimori fiton një mandat të dytë pesëvjeçar në zgjedhjet e para paqësore presidenciale të Perusë që nga viti 1980.
2005- Princi britanik Charles dhe Camilla Parker Boëles martohen në Guildhall, Windsor. Kjo është hera e parë që një trashëgimtar i kurorës britanike lidh një martesë civile. Me martesë, Camilla u bë Madhëria e saj Dukesha e Cornwall-it.
2021-Vdes princi britanik Philip, bashkëshorti i Mbretëreshës Elizabeth II. BETA
