1912- Bullgaria, Greqia, Serbia dhe Mali i Zi bëjnë një armëpushim me Turqinë në Luftën e Parë Ballkanike. Lufta vazhdoi deri më 3 shkurt 1913 dhe një armëpushim i ri u vendos më 23 prill, kur u rinovuan negociatat e paqes në Londër.
1919- Vdiq piktori francez Pierre Auguste Renoir, një nga impresionistët më të shquar dhe piktorët më të mëdhenj evropianë të shekullit të 19-të.
1923- Lindi këngëtarja greke e operës, Maria Callas, një nga sopranot më të mëdha në historinë e operës. Ajo filloi karrierën e saj në vitin 1947 dhe këndoi me shumë sukses në skenat më të mëdha të operës në botë, role me karakter dramatik, lirik dhe koloraturë.
1930- Lindi regjisori Jean-Luc Godard, përfaqësuesi më i rëndësishëm i “Valës së Re” franceze, i cili bëri një revolucion në historinë e filmit me realizimet “Deri në frymën e fundit” (1959) dhe “Përçmimi” (1963).
1944-Në Athinë shpërthen një luftë civile midis qeverisë së mbështetur nga Britania dhe Frontit Nacional Çlirimtar (EAM). Paqja u arrit në një konferencë të m bajtur në Varkizë më 12 shkurt 1945, kur përfaqësuesit e qeverisë dhe EAM ranë dakord që një plebishit të përcaktonte formën e qeverisjes në Greqi.
1989-Pas rënies së Murit të Berlinit në Gjermaninë Lindore, lideri i Partisë së Punëtorëve Gjermanë (Komunistët), Egon Krenz, dhe të gjithë anëtarët e Byrosë Politike të partisë dhe të Komitetit Qendror të partisë në pushtet japin dorëheqjen.
2001- Vdes Gerhard Riegner, autor i një telegrami të botuar si një paralajmërim për botën për planin nazist për të shkatërruar popullin hebre.
2020-Vdiq Valery Giscard d’Estaing, kryeministër francez nga viti 1974 deri në 1981 dhe një mbështetës i fortë i Bashkimit Evropian. BETA
