1564-Lindi dramaturgu anglez William Shakespeare. Dramat e tij, shumë prej të cilave janë realizuar edhe në Shqipëri, janë ende në repertorët e teatrove botërore (“Hamleti”, “Romeo dhe Zhuljeta”, “Otello”, “Makbeth”). Ai vdiq në të njëjtën datë në 1616.
1616-Vdes në Madrid shkrimtari spanjoll Miguel de Cervantes Savedra në të njëjtën ditë me William Shakespeare në Londër. Shkroi romane, drama, komedi, tregime e poema dhe hyri në letërsinë botërore me romanin “Don Kishoti”, i cili konsiderohet si pararendës i romanit modern.
1913-Turqit ia dorëzuan Shkodrën malazezëve në Luftën e Parë Ballkanike. Me vendim të Fuqive të Mëdha më 14 maj, malazezët duhej të tërhiqeshin pasi Shkodra i përkiste Shqipërisë.
1998- Vdiq shtetari grek Konstandinos Karamanlis, kryeministër nga viti 1955 deri më 1963 dhe 1974, pas rënies së juntës ushtarake, si dhe president i Greqisë nga viti 1990 deri në 1995.
2005- Vdiq Eduardo Paolozzi, një nga artistët më të shquar britanikë dhe themeluesi i lëvizjes së artit pop në Britaninë e Madhe. Ndër veprat e tij më të shquara janë një mozaik shumëngjyrësh në Tottenham Court Road në Underground të Londrës dhe një statujë monumentale bronzi e Isaac Njutonit përpara Bibliotekës Britanike.
2005- Vdiq aktori britanik Sir John Mills, i cili fitoi një Oscar në vitin 1971 për rolin e tij në filmin “Ryan’s Daughter” të David Lean.
2007- Vdiq Boris Yeltsin, presidenti i parë i Rusisë dhe një figurë kyçe në Rusinë postkomuniste. Ai mbajti presidencën për dy mandate, nga qershori 1991 deri më 31 dhjetor 1999, kur dha dorëheqjen dhe emëroi Vladimir Putin si president në detyrë. Ai luajti një rol kyç në parandalimin e grushtit të shtetit në gusht 1991. Në atë vit, ai nënshkroi një dekret që ndalonte Partinë Komuniste.
2009- Vdiq fotografi britanik dhe dy fitues i Oskarit, Jack Cardiff, një nga mjeshtrit e parë të teknikave moderne të fotografisë. BETA
