2002- Fillon gjyqi i ish-presidentit serb dhe jugosllav Slobodan Millosheviç, kreut të parë të shtetit që do të gjykohej para Gjykatës Penale Ndërkombëtare për ish-Jugosllavinë (ICTY). Në maj 1999, Millosheviqi u akuzua për krime kundër njerëzimit, shkelje të ligjeve dhe rregullave të luftës dhe gjenocid gjatë luftës së viteve 1992, 1992-95 në Kroaci dhe në Kosovë në vitin 1999. Fillimi i “procesit të shekullit” u pasqyrua nga më shumë se një mijë media të mëdha botërore.
1804-Vdiq filozofi Immanuel Kant, themeluesi i filozofisë klasike gjermane, një nga filozofët më me ndikim, puna e të cilit solli ndryshime revolucionare.
1809- Lindi Abraham Lincoln, President i Shteteve të Bashkuara nga viti 1860 deri më 15 prill 1865, kur u vra në Uashington nga një mbështetës fanatik i skllavërisë. Nga viti 1861 deri në 1865, ai udhëhoqi luftën civile kundër shteteve të shkëputura jugore dhe arriti të ruajë Bashkimin, kurse në 1863 ai shpalli heqjen e skllavërisë në Shtetet e Bashkuara.
1912-Abdikon perandori i fundit kinez, Pu Man Yi i dinastisë Manchu. Kina bëhet republikë dhe presidenti i parë është, Sun Yat Sen.
1974- Arrestohet në Moskë shkrimtari rus Aleksandër Solzhenicin, fitues i çmimit Nobel për Letërsinë në vitin 1970. Të nesërmen i hiqet shtetësia sovjetike dhe dëbohet nga vendi. Pas dy dekadash në mërgim në Vermont (SHBA), ai u kthye në Rusi në 1994.
1999-Senati i SHBA liroi Presidentin Bill Clinton nga akuzat për dëshmi të rreme dhe pengim të drejtësisë, duke i dhënë fund çështjes së “marrëdhënies seksuale” me Monica Leëinsky një vit më vonë dhe duke shmangur kështu edhe shkarkimin e tij.
2016 – Kreu i Kishës Katolike Romake, Papa Françesku dhe kreu i Kishës Ortodokse Ruse, Kiril, nënshkruan Deklaratën e Unitetit Fetar në Havana dhe bënë thirrje për veprim urgjent për të ndihmuar të krishterët në Irak dhe Siri. BETA
