1533- Lindi Mbretëresha e Anglisë, Elizabeth I, vajza e mbretit Henry VIII dhe gruas së tij të dytë Anne Boleyn. Gjatë mbretërimit të saj (1558-1603), u hodhën themelet e Perandorisë së ardhshme Britanike. Ajo mbështeti zhvillimin e shkencës dhe artit, kurse prej kohës së saj lindi një stil specifik i arkitekturës, një përzierje e Gotikut dhe Rilindjes, që u quajt stili Elizabetian.
1812- Përfundoi Beteja e Borodinos, një nga Luftërat më të përgjakshme Napoleonike, në të cilën Rusët nën komandën e Kutuzov pranë Moskës humbën 44,000 ushtarë, kurse Napoleoni plot 50,000 sërish, përfshirë 23 gjeneralë. Një javë më vonë, Napoleoni hyri në Moskë.
1813- Emri “Xha Sam” përdoret për herë të parë në Shtetet e Bashkuara, në editorialin e gazetës New York “Troy Post”.
1860- Revolucionari italian Giuseppe Garibaldi me “këmishëkuqt e tij” kapi Napolin në luftën për çlirimin nga austriakët dhe për bashkimin e Italisë.
1909- Lindi regjisori amerikan i filmit dhe teatrit Elijah Kazan, fitues i disa Oskareve (“Tramvaji me emrin Dëshirë”, “Viva Zapata”, “Në Lindje të Parajsës”, “Beby Doll”).
