1853- Lindi piktori holandez Vincent van Gogh. Një nga artistët më të mëdhenj të shekullit 20, puna e të cilit ndikoi vendosmërisht në krijimin e një shprehje të re artistike në pikturën evropiane. Ai e fitoi famën pas vdekjes. I keqkuptuar dhe i panjohur për jetën, ai ndërroi jetë tragjikisht në një depresion të thellë më 29 korrik 1890. Bota e brendshme e papërmbajtur, kaotike dhe poetike e Van Gogh përshkruhet në kryeveprat e tij përmes goditjeve të forta dhe ekspresive të furçës duke theksuar vazhdimisht dialogun e hijes dhe dritës.
1135- Lindi ne Kordoba Moisiu Maimonides, filozofi më i rëndësishëm hebre i Mesjetës dhe një nga mjekët më të njohur të kohës së tij. Veprat e tij janë përkthyer në shumë gjuhë dhe kanë ndikuar në filozofinë hebraike dhe skolastikën mesjetare.
1746-Lindi piktori spanjoll Francisco Goya. Si një piktor oborri qysh nga 1786, ai pikturoi portrete të famshme të anëtarëve të familjes mbretërore, oborrtarëve dhe personaliteteve të shquara.
1863- Princi William, djali i vogël i Mbretit Cristian IX të Danimarkës, bëhet Mbreti i Greqisë me emrin George I.
1945- Ushtria Sovjetike pushtoi portin Baltik Polak të Danzig (Gdańsk) në Luftën e Dytë Botërore.
1967 NATO mbyll selinë ushtarake në Francë, ndaj Presidenti Charles Gaulle vendos të tërheqë vendin nga Aleanca ushtarake e rendesishme Perëndimore.
2009-Vdiq kompozitori francez Maurice Jarre, i famshëm për muzikën e tij në filmat “Lawrence i Arabisë”, “Doktor Zhivago”, “Rruga për në Indi”, i cili i solli Oskarin për muzikën e filmit. Ai ka kompozuar muzikë për më shumë se 150 filma dhe ka bashkëpunuar me regjisorë të njohur (Alfred Hitchcock, John Houston, Lucino Visconti, David Lynn dhe Peter Weir).
