1913-Ka lindur në vitin 1913 burrështetasi gjerman Willy Brandt, kryetari i bashkisë të Berlinit (1957-1966), kancelar i Gjermanisë Perëndimore (1969-1974), udhëheqës i Partisë Social Demokratike. “Politika Lindore e komunikimit” të tij me Bashkimin Sovjetik dhe vendet e tjera të Evropës Lindore kontribuoi në stabilizimin e situatës në Europë, për të cilat ai mori Çmimin Nobel për Paqe në vitin 1971. Opinioni publik botëror u mahnit në vitin 1970, kur ai u gjunjëzua para monumentit të viktimave të nazizmit në Varshavë dhe kërkoi falje në emër të popullit gjerman. Për shkak të skandalit të spiunit që ishte bashkëpunëtor i ngushtë i tij dhe spiun i Gjermanisë Lindore, në vitin 1974 dha dorëheqjen si kancelar federal.
1398- Udhëheqësi ushtarak Tatar Timur Lenk kapi qytetin indian të Delhi.
1737 Vdiq Antonio Stradivari, një ndërtues italian i instrumenteve me tel, duke treguar një cilësi të pashembullt me krijimet e tij. Tingujt e violinës së tij u bënë një masë klasike e vlerës në shekullin e 19-të. Besohet se ai ka bërë 1.100 instrumente, prej të cilave janë ruajtur 500 violina, 12 viola dhe 50 violincela.
1879-Ka lindur artisti zvicerian Paul Klee, i cili është i pari që hyri në pikturën ekspresioniste me një botë joreale dhe pjesen e pavetëdijes si edhe çrregullimet e gjumit duke parashikuar kohën e surealizmit. Ai i përkiste grupit “Blue Rider”, të udhëhequr nga Valeriy Kandinski dhe Franz Marc. (b.an)
