1979 – Vdiq aktori amerikan John Wayne, ylli i filmave perëndimore (“Karroca e postës”, “The Alamo”, “Rio Bravo”).
1509 – Mbreti anglez Henry VIII bëri martesën e parë nga gjashtë gratë që do merrte më vpnë, Katerinën e Aragonës. Më vonë, për shkak të refuzimit të Papës për të anulluar martesën, mbreti i theu marrëveshjet me Vatikanin në vitin 1534 dhe themeloi Kishën e Anglisë.
1859 – Vdiq princi austriak Klemens Metternich, njeriu më me ndikim në Evropë për gati 40 vjet, pasi arriti të bëhej edhe ministër i jashtëm (1809-21) dhe kancelar i Austrisë (1821-48). Ai është konsideruar si personifikimi i absolutizmit. Me perandorin rus Aleksandër themeloi Aleancën e Shenjtë, qëllimi kryesor i të cilës ishte që të mbyteshin lëvizjet kombëtare në Evropë. (b.an)
