1815- Lindi politikani dhe shtetari gjerman Otto von Bismark, kancelari i parë i perandorisë së bashkuar gjermane, i njohur si “Kancelari i Hekurt”. Ai drejtoi Kongresin e Berlinit në 1878, në të cilin fuqitë evropiane krijuan një marrëdhënie të re forcash në Europën Juglindore, të ushqyer nga synimi i Rusisë për të krijuar një Bullgari të Madhe kurse fqinjët tanë Serbia dhe Mali i Zi fituan njohjen ndërkombëtare.
1918-U krijua Forca Ajrore Mbretërore RAF në Mbretërinë e Bashkuar.
1924-Gjykata gjermane dënoi Adolf Hitlerin me pesë vjet burg për shkakun e një grushti shteti mbetur në tentativë në nëntor 1923, por që u amnistua më 20 dhjetor. Në burg, Hitleri shkroi librin “Main Kampf” (Lufta ime) në të cilën ai paraqiti konceptin e një “rendi të ri” dhe supremacisë racore të gjermanëve.
1933-Në Gjermani, persekutimi i hebrenjve filloi me bojkotimin e punëve të tyre dhe bllokimin e llogarive bankare.
1976-Vdiq në Paris piktori dhe skulptori gjerman Max Ernst, një nga themeluesit e lëvizjes Dada në Këln. Në vitin 1924, në Paris, ai iu afrua surrealistëve dhe u bë një nga përfaqësuesit më të shquar të kësaj lëvizjeje. Në pikturë bashkëkohore, ai prezantoi teknika të reja të fotografive me kolazhe dhe teknikash tip fretting. Kishte lindur në 1891.
