1898 – Shkrimtari francez Emile Zola ka publikuar nën titullin “Akuzoj” në gazetën “L’Aurore” një letër të hapur drejtuar Presidentit të Republikës të Francës, në të cilën ai vuri në dukje makinacionet e qarqeve më të larta ushtarake dhe kërkoi lirimin e kapitenit Alfred Dreyfus (Dreyfus), i cili në procesin e bërë kundër tij më 1894 u dënua me burgim të përjetshëm për gjoja kalimin e sekreteve ushtarake Gjermanisë. Dreyfus është rigjykuar, liruar dhe rehabilituar në vitin 1906, e u kthye në ushtri ku është ngritur në gradën e majorit.
1906 – Vdiq fizikani rus dhe inxhinieri elektrik Alexander Popov Stepanovich, një nga pionierët e teknologjisë në radio, shpikësi i antenës. Në vitin 1896 ai arriti transmetimin e sinjalit duke përdorur valët e radios në një distancë prej 250 metra dhe ka gjetur po ashtu se valët e radios reflektohen nga objektet më të mëdha.
1910 – U transmetuan të parat shfaqje live në radio nga “Metropolitan Opera” e New York. Ato ishin respektivisht pjesët e Leoncavallo “Pagliacci” dhe ajo e Mascagni “Cavalleria Rusticana”.
1941 – Vdiq shkrimtari irlandez James Joyce, eksperimenti i të cilit në teknikën narrative dhe strukturën e romanit dha zbatimin e një rrymë të ndërgjegjes dhe një drejtim të ri të letërsisë moderne. Romani i tij “Uliksi” është Bibla e prozës të modernizmit evropian. Pavarësisht nga një polemikë shumë e vështirë dhe ekstremiste rreth punës letrare, Joyce, përtej çdo dyshimi, i ka ndikuar shumë zhvillimit të prozës letrare të shekullit të 20-të ( “Portreti i artistit në rininë e tij”, “Finnegans Wake”, “Dubliners” drama “Mërgimtarët”). (b.an)
