1976 – Vdiq shkrimtarja angleze Agatha Christie, autore e famshme e romaneve të krimit. Ajo ka shkruar 79 romane dhe disa koleksione tregimesh të shkurtra, të cilat janë shitur në gati dy miliardë kopje në mbarë botën dhe janë përkthyer në më shumë se 50 gjuhë, kurse drama e saj “Gracka e miut ” shfaqur për herë të parë në vitin 1952, pati mbi 20.000 shfaqje në West End të Londrës dhe është bërë shfaqja më e ripërsëritur në botë.
1829 – Vdiq shkrimtari gjerman Friedrich von Schlegel, teoricieni më i rëndësishëm i romantizmit gjerman. Vëllai i tij Wilhelm redaktoi revistën kryesore romantike “Aneteum”. Përveç veprave të letërsisë antike, ai ka shkruar ese, poezi dhe tregime, si dhe romanin “Lucinda” duke e përhapur idenë romantike të dashurisë së lirë. Botimi “Historia e letërsisë së vjetër dhe të re” e tij është një nga botimet e para të këtij lloji në të gjithë letërsinë botërore.
1876 – Lindi shkrimtari amerikan John Griffith, i njohur si Jack London, një nga më të lexuarit në gjysmën e parë të shekullit të 20-të. Ai ka shkruar rreth 50 tregime dhe romane, të cilat janë përkthyer edhe në shqip si “Martin Iden” dhe “Vetullat e Bardha”. (b.an)
