Joe Biden njoftoi me 26 maj se shërbimet e inteligjencës amerikane kishin një afat deri në 90 ditë për të zbuluar origjinën e Covid-19. Deri në fund të gushtit, presidenti i SHBA-së duhet të ketë një raport të detajuar nga agjentët e tij, duke dhënë një përgjigje bindëse : a është SARS-CoV-2 një virus natyror i cili kaloi nga kafshët te njerëzit, duke shkaktuar vdekjen e më shumë se 3.5 milion njerëzve në të gjithë botën, së bashku me një dëm kolosal në ekonominë globale, me vlerë triliona dollarësh.
Nëse nuk është kështu, mbase ekziston një skenar alternativ. Koronavirusi “shpëtoi” nga Instituti i Virologjisë Wuhan në Kinë. Në një rast të tillë, misteri që ka munduar të gjithë se pse Wuhan u bë shpërthimi i koronavirusit zgjidhet automatikisht, raporton abcnews.al Si mund të zgjidhet enigma e papritur e infektimit të tre shkencëtarëve që u shtruan në spital? Kjo ndodhi në nëntor 2019, gati një muaj para se të raportohej zyrtarisht rasti i parë i koronavirusit.Hipoteza e tre studiuesve është jashtëzakonisht e rëndësishme, e cila mund të çojë në një rishikim të plotë të të gjitha të dhënave deri më tani mbi origjinën e pandemisë.
Pikërisht infektimi i tre shkencëtarëve kinezë po detyron Joe Biden të pranojë publikisht diçka që ai e refuzoi deri vonë si një teori konspiracioni, që virusi “shpëtoi” nga një qendër kërkimore. Përveç origjinës së Covid-19, këtu kemi edhe një tjetër çështje politike. Nëse vërtetohet se virusi ka dalë nga Instituti i Virologjisë në Wuhan, Kina do të jetë në një pozitë shumë të vështirë në atë që quhet “lufta e re e ftohtë” me Shtetet e Bashkuara.
Tre pacientët e Wuhan Çështja e tre shkencëtarëve kinezë që u sëmurën në nëntor 2019 u nxor në dritë nga Wall Street Journal. Raporti bazohet në informacione nga një raport shumë sekret, i cili u shqyrtua nga qeveria e mëparshme e SHBA-së pak para se Donald Trump të largohej nga Shtëpia e Bardhë. Në një mënyrë apo tjetër, Trump tani është shfajësuar, pasi kur ai hodhi dyshimet se “kinezët janë fajtorë për pandeminë” ai u cilësua si një person që po përpiqej t’i hidhte fajin Kinës, raporton abcnews.alSidoqoftë, ajo që ndodhi në Wuhan në nëntor 2019, gjithmonë sipas raportit të WSJ, është se tre shkencëtarët u shtruan në spital me simptoma të ngjashme të Covid-19. Sidoqoftë, në një fjalim marsin e kaluar, David Asser, një ndihmës i ish Sekretarit të Shtetit Mike Pompeo i cili udhëhoqi një ekip kërkimesh në Wuhan, tha: “Unë kam dyshime që tre persona, në një mjedis të mbrojtur me siguri shumë të lartë, u infektuan në të njëjtën javë dhe u shtruan në spital. E kam të vështirë të besoj se e gjithë kjo ka lidhje me koronavirusin. Më shumë se një vit më parë, në shkurt të vitit 2020, një studiues kinez i quajtur Boto Xiao botoi një studim shkencor i cili arriti në përfundimin se “koronavirusi ndoshta doli nga një laborator në Wuhan”.
Qeveria kineze ndërhyri menjëherë dhe e bindi Xiao se do të ishte në interesin e të gjithëve që më mirë të jepte dorëheqjen. Dhe ai dha dorëheqjen. Sidoqoftë, në janar 2020, Tom Cotton, një senator republikan 43-vjeç nga Arkansas, paralajmëroi se “koronavirusi mund të shkaktojë një epidemi në të gjithë botën”, raporton abcnews.al Wuhan ka një super-laborator, i vetmi në Kinë me nivelin më të lartë të sigurisë. Ata studiojnë viruset më vdekjeprurës në planet, përfshirë edhe koronavirusin. Natyrisht, Kina mori hak ndaj Coton, duke mohuar kategorikisht pretendimet e tij. Dhe më vonë, shkurtin e kaluar, kur Organizata Botërore e Shëndetësisë (OBSH) kreu një autopsi në Wuhan – natyrisht në bashkëpunim të ngushtë me autoritetet lokale pala kineze po festonte fitoren pasi gjatë inspektimit në Institutin e Virologjisë në Wuhan nuk u gjet asgjë që lidhte Kinën me virusin.
Në fakt, OBSH tha se “ka shumë të ngjarë që virusi kaloi nga lakuriqët e natës tek njerëzit përmes një kafshe tjetër. “Teoria se virusi ka dalë nga një laborator është e vështirë për tu besuar. “E vërteta është, se specialistët e OBSH-së që u dërguan në Kinë për të hetuar origjinën e Covid qëndruan aty për vetëm 3 orë. Dhe kur ata kërkuan të shqyrtonin bazën e të dhënave të 76,000 pacientëve të cilët u ekzaminuan nga tetori në dhjetor 2019, qeveria kineze nuk e lejoi diçka të tillë. Mbi të gjitha, siç theksuan zyrtarët kinezë, nga 76,000 njerëz, vetëm 92 ishin infektuar me COVID-19.
Arma e dyshimtë Ndërsa lufta midis SHBA-së dhe Kinës përshkallëzohet, për shkak se Kina nuk lejon qasjen në të dhënat e saj, kjo ka nxitur dyshime edhe në Perëndim. Në një zonë të braktisur të Moyang të Kinës Jugore, ndodhet një minierë bakri e braktisur, ku në prill të 2012 një grup punëtorësh hynë për të mbledhur jashtëqitje nga lakuriqët e natës që jetojnë dhe shumohen brenda minierës, raporton abcnews.al Në ditët në vijim, gjashtë punëtorë u sëmurën dhe u dërguan në spital. Tre prej tyre vdiqën. Një mjeke kineze, Li Xu publikoi një studim mbi incidentin, duke regjistruar gjendjen e njërit prej punëtorëve fatkeq, Liu, 42 vjeç, i cili pasi punoi në minierë për dy javë. Ai kishte ethe, kollë dhe vështirësi në frymëmarrje.
Në mushkëritë e tij shenjat ishin të ngjashme me të personave që ishin të infektuar me COVID-19, rreth 8 vite më vonë. Dr. Li dhe studiues të tjerë, dyshuan se një virus po qarkullonte në mjedisin e lakuriqëve të natës, kështu ata kërkuan ndihmën e qendrave të specializuara. Midis tyre ishte Instituti i Virologjisë Wuhan, studiuesit e të cilit hynë në minierë dhe morën mostra fekale nga 276 lakuriqë nate, që u përkisnin gjashtë specieve të ndryshme, të gjitha ishin të infektuara nga koronavirusi.
Studiuesi kryesor i viruseve që gjenden te lakuriqët e natës nga Instituti Wuhan, Xi Zengli, pagëzoi virusin e ri RaBtCoV / 4991. Pas një studimi tre-vjeçar, në 2016 Zengli publikoi rezultatet e kërkimit në një revistë shkencore , por nuk arriti të sigurojë detaje në lidhje me minierën dhe tre punëtorët që humbën jetën, raporton abcnews.al Pas shpërthimit të COVID-19 në Shkurt 2020, Zengli, në një studim të ri, zbuloi një virus tjetër, RaTG13. Kodi i tij gjenetik ishte 96.2% i ngjashëm me atë të SARS-CoV-2 dhe sipas Zengli, virusi ishte izoluar në minierën e bakrit të një lakuriq nate. Zbulimi u konsiderua një çelës për origjinën e koronavirusit dhe përforcoi në mënyrë thelbësore teorinë se origjina e koronavirusit ishte nga lakuriqët e natës.
Sidoqoftë, disa kolegë të tjerë zbuluan se RaTG13 ishte identik me RaBtCoV / 4991, duke e detyruar Zengli të korrigjonte deklaratën e saj duke thënë se ekzistonte vetëm një virus. Ajo madje shtoi disa informacione rreth punëtorëve që humbën jetën ndërsa më vonë përmendi se 8 lloje të tjera të koronavirusit ishin identifikuar në minierën Moyang. Pas kësaj, sigurisht, dhjetëra shkencëtarë nga e gjithë bota kërkuan të studiojnë afërsisht 22,000 mostra të materialit gjenetik të viruseve, duke u përqendruar tek ata që kanë origjinën nga lakuriqët e natës, raporton abcnews.al
Kur u pyet nga stafi i OBSH-së pse ata nuk mund të kishin qasje me bazën e të dhënave, Zengli tha se e kishte bërë për arsye sigurie, pasi më shumë se 3,000 persona ishin përpjekur të vidhnin të dhënat brenda një muaji. Komuniteti shkencor perëndimor beson se Zengli di shumë më tepër sesa ka treguar , ajo gjithashtu konsiderohet si një eksperte kryesore botërore e viruseve. Nofka “Zonja e Lakuriqëve të natës” i përshtatet më së miri asaj. Një pjesë e punës së saj kërkimore është krijimi i mutacioneve në laborator dhe infektimin e qëllimshëm të kafshëve me variante artificiale.
Ky aspekt është gjithashtu më i paarritshmi, i varrosur thellë në fshehtësinë e shtetit kinez. Sidoqoftë, Zengli i siguroi OBSH- së asnjë nga kolegët e saj në Institutin e Virologjisë, si ajo vetë, nuk kanë zhvilluar simptoma të COVID-19.
/b.h
