Pritja në minutën e fundit i penalltisë së Pauli Dybala-s ka shkaktuar reagime të shumta nga mediat italiane për Strakoshën. Portieri i kombëtares sonë ka marrë vlerësime maksimale pas ndeshjes, ndërkohë që gafa e pjesës së parë është harruar falë pritjeve që ka bërë gjatë ndeshjes.
“Sportmediaset”- Strakosha 7
Pret një penallti, bën dy ndërhyrje vendimtare, një dalje gabuar në rezultatin 0-1 mund të kishte kushtuar ndeshjen.
“Tuttomercatoweb”- Strakosha 7
Ashtu si perëndia që zbret në tokë, sot bën mrekullinë. Bën një gabim duke i dhuruar topin Higuain, por gjithçka shkon mirë. Në minutën e 97-të, me intuitën e tij arrin të presë penalltinë e Dybala-s, duke i dhuruar fitoren ekipit të tij
“Calciomercato.it”- Strakosha 8
Asgjë për të bërë në golin e Douglas Costës, por në gjuajtjen nga distanca të Khedirës arrin të presë mjaft mirë. Gabon në një moment të presionit të Higuain, por në fundin e ndeshjes neutralizon penalltinë Dybala-s
“Lazionews.eu”- Strakosha 9
Bën tre pritje të jashtëzakonshme, gabon në një rast me Higuain, por falënderon shtyllën.
a.ç
