Më 21 maj, Dielli la shenjën e tokës Demi dhe u pozicionua në shenjën e “gjallë” dhe të paqëndrueshme ajri Binjakët. Dallimi do të jetë menjëherë i dukshëm, teksa humori juaj do të ndryshojë, pritshmëritë apo sjelljet tuaja. Nga një sezon i qetë tani duket se ka ardhur koha të përjetoni aventura dhe të thyeni barrierat që mund t’i kishit vendosur vetes apo të tjerëve.
Shenjat e ajrit si Binjakët, Peshorja dhe Ujori përfitojnë më së shumti këtë sezon. Do të ndiheni shumë më të sigurt, me vetëbesim e vigjilentë ndaj situatave. Do të jeni optimistë e do të ndjeni se rrugët i keni të hapura ! Në fakt kjo nuk ndodh se fati u buron nga të katërta anët, por sepse këndvështrimi juaj ka ndryshuar.
Përpos të gjitha këtyre, Mërkuri ka kaluar gjithashtu në shenjën e Binjakëve me 21 maj, duke ju nxitur të përqafoni sa më shumë karakteristikat e kësaj shenje (edhe nëse nuk jeni Binjak)!
Ndonëse për ata thuhet se kanë personalitet të dyfishtë e sipërfaqësor, nuk keni pse të ndiqni skenarin më të keq! Binjakët ju ndihmojnë të jeni më mendjehapur, prandaj pranoni perspektivat e njerëzve të tjerë dhe ndryshoni pikëpamjet tuaja. Por mos lejoni që kjo t’ju joshë të jeni të rremë, të pavendosur ose të hidhur!
Sezoni i Demit mund t’ju ketë zhytur thellë në monotoni, ndaj është koha të jeni socialë e të merrni një pushim nga të gjitha problemet që më së shumti i krijon mendja juaj.
Pra sezoni i Binjakëve është një argëtim i vërtetë!
