Aftësia e Tokës për të mbajtur jetë nuk do të zgjasë përgjithmonë.
Shkencëtarët parashikojnë se miliarda vjet më vonë, Toka nuk do të ekzistojë. Dhe në një video të publikuar nga Business Insider, janë treguar mënyrat se si mund të vijë fundi i botës, sipas shkencëtarëve.
Këto janë ato:
Një vrimë e zezë
Toka mund të kalojë shumë pranë një vrime të zezë. Edhe nëse i shmangemi asaj, ajo mund të vijë shumë pranë nesh sa për të na dërguar jashtë sistemit diellor ose më afër Diellit.
Një shpërthim i rrezes Gama
Këto shpërthime të fuqishme ndodhin kur yjet masiv shkatërrohen. Nëse Toka goditet nga një e tillë, do të shkatërrohej shtresa e ozonit dhe planeti do të pësonte një ftohje të shpejtë. Kjo mund të jetë ajo që shkaktoi zhdukjen e parë të madhe në Tokë, transmeton Gazeta Express.
Energjia e errët
Shkencëtarët kanë një teori se një forcë misterioze e quajtur ‘Energjia e Zezë’ është duke e zgjeruar universin gjithnjë e më shpejtë. Nëse vazhdon kështu, 22 miliardë vjet më vonë forca që i mban atomet së bashku do të bie. Kjo do t’i jepte fund gjithë universit, jo vetëm Tokës. Lajmi i mirë është se që të tria këto kanë pak gjasa që të ndodhin tani – që i bie se kemi kohë miliarda vite.
Por shkencëtarët thonë se universi ynë është aq misterioz sa që çdo gjë mund të ndodh në çdo kohë.
