Një 20-vjeçare ka vënë në lojë Policinë e Tiranës, pas isnkenoi një ngjarje të rëndë kriminale që në fakt nuk kishte ndodhur kurrë.
Një inskenim i ngjashëm me ato të filmave hollivudian nga vajza e re, por që në fund u zbulua nga uniformat blu të kryeqytetit.
Shtetasja Elca Kazanxhiu, 20 vjeçe bëri një denoncim në policinë e kryeqytetit, ku u tha efektivëve se ishte rrëmbyer nga persona të panjohur. Duke vijuar rrëfimin, ajo mashtroi efektivët teksa tha se ishte mbajtur në bodrumin e një banese në Tiranë, nga persona që sipas saj kishin në plan t’i bënin presion familjes për para në këmbim të lirimit të saj.
I gjithë rrëfimi u duk i dyshimtë për policinë, pasi vajza shpesh tregohej kontradiktore si dhe nuk përputheshin referncat kohore që ajo dhe të afërmit deklaronin për kohën se kur kishte ndodhur vepra penale dhe sa kohë ajo ishte zhdukur.
Dyshimet se ngjarja ishte e trilluar u shtuan edhe më tej, kur po në Policinë e Tiranës, u paraqit kunata e 20-vjeçares, shtetasja me inicialet A.A.
Ajo deklaroi para oficerëve se kunata i kishte grabitur një shumë prej 80 mijë lekësh.
Kaq u desh dhe uniformat blu aritën të zbardhin gjithë skenarin. 20-vjeçarja, inskenoi rrëmbimin e saj pasi u zbulua nga kunata se i kishte grabitur paratë.
Për të dalë e “larë” nga kjo histori, ajo mendoi të mashtronte policinë dhe të afërmit me pretendimin se ishte rrëmbyer nga persona të panjohur, dhe se paratë u morën nga të njëjtët shtetas që ajo nuk i njihte.
Policia arrestoi shtetasen Elca Kazanxhiu e cila tashmë do të duhet të përballet me dy akuza, atë të “kallëzimit të rremë” dhe “grabitjes”.
/Javanews.al
